# Kasîde Der Na't-ı Hazret-i Fahr-i Mevcûdât [Kasideler](/fuzuli-divani/kasideler) - Aruz Vezni: Mefâ'ilün fe'ilâtün mefâ'ilün fe'ilün (fa'lün) Değerlendirme (0) Ne kim sahife-i tedbîre akl eder mastûr Sağınmam anı olur olmaz olmayan makdûr Ne kim sahife-i tedbîre akl eder mastûr Sağınmam anı olur olmaz olmayan makdûr Hevâ-yi dâr-i vefâ umma her hevâyîden Kim ol makâmdadır ser-bülend olan Mansûr Harif-i erre-i gam sanma her kuru ağacı Ki yazılır Zekariyyâ adına ol menşur Dil-i pür âteş-i âşıktır âh-i serd ile hoş Olur bürûdete mâ'il tabâyi'-i mahrûr Füsürde zâhid eger âşık-i ciğer-sûza Refâkat etse yüz yıl zulmetine düşmez nûr Sağınma bir arada ihtilât kılmak ilen Tutar mizâc-i karanfil tabi'at-i kâfûr Hoşum ki aşk ile rüsvâ-yi has ü amım ben Felek bu şive ile eylemiş beni meşhûr Müdâm nakd-i hevâ hâtırımdadır meknûn Hemişe fikr-i mahabbet dilimdedir mezkûr Niçin ki hân-i muhabbet meveddet-i şâhi Ki halkadır sebeb-i feyz-i kirdigâr-i gafûr Meh-i sipihr-i nübüvvet Muhammed-i Kureşi Çerâğ-i şâm-i ebed âf-tâb-i subh-i nüşûr Şeh-en-şehî ki Süleymân-i mülk-i ma'ni olup Muti' oldu ana ins ü cinn ü vahş ü tuyûr Cihânı açmak için tapşuruldu hazretine Kelîd-i mahzen-i mahrûsa-i vukûf ü şu'ûr Yetirdi silsile târ-i hisâb-i hicretine Üzülmesin diyüben rişte-i sinîn ü şuhûr Şikest nukre-i halis-‘iyârıma koydu İyâr-i nukre-i zâtında ihtimâl-i küsûr Ruh u kadidir olan halvet-i cinân içre Çerâğ-i meclis-i gılmân ü şem'-i mahfil-i hûr Ne-'şek ki akdı bevâdide parmağından su Bu şerhadır mutazammın hutût-i mevc-i buhur Muhalif emrinedir bade kim ayağa düşer Nakizdir ana kim gûş-mâl alır tanbûr Eyâ Şehî ki gürûh-i peyem-ber-i mürsel Behişte basmaz ayak senden almadan destur Egerci hâmeye el urmadın elinde idi Hat-ı betâlet-i İncil ü nesh-i harf-i Zebur Ne söz ki anda senin yok rızâ-yı huddâmın Kalır serây-i tabî'atta tâ ebed mahsur Bırak hicâb nikâbın güzel cemâlinden Ki tâ göre seni ortada görmeyen nice kür Bu mesned içre nice mest-i hâb-i nâz olasın Erişti subh gel aç imdi nerkis-i mahmur Fesâd ehli cihâna bıraktılar feterât Kıyamet oldu ne yatmak mecâlidir uru dur Zamane muntazır-i .iktidâ-yi emrindir Sözün ne ise yürüt buyruğun ne ise buyur Fetahtü ayne ricâi bi-seyfike'1-kâhır Kad istecertü bihi min aduvvike'İ-makhûr Bi-ke'î-melâzu ve ente'l-me'âzu fi'd-dâreyn Ale's-sırâti izâ hane li'1-enami ubûr Recu'tu inneke takza'1-umûr fi-yevmin Bi-emri rabbüke kad terteci'i ileyke umûr Lezimtü zeylike ercü rizâke fi'd-dâreyn Kefâ vüsûku bi-lutfike'I-mevfûr Şehâ Fuzûlî-i dil-hasteyim bi-hamdi'IIâh Reh-İ şeri'atine tâbi emrine me'mur Olup durur sözümün nazm ü nesri na'tinde Hemişe gevher-i manzum ü lü'lü-i mensur Fesahat ehli arasında i'tibârım var Ne i'tibâr ger olduysa hey'etim mahkur Özüm hakîr be-gâyet sözüm müfîd velî Nicük; ki hükm misâlinde satrü beyne sutûr Ümîd var ki tutdukça mülk râh-i nizâm Ümid var ki taptıkça ahd-i ömr mürur Mürur-i ömri senâ-yi Resul ile geçirem Ölende edem anı armağan-i ehl-i kubur - Açıklama: Henüz bir açıklama girilmemiş. [ Önceki makale: Kasîde Der Nat-ı Hazret-i Nebevî (Su Kasîdesi) Önceki ](/fuzuli-divani/kasideler/kaside-der-nat-hazret-i-nebevi-su-kasidesi) [ Sonraki makale: Kasîde Der Tevhid-i Hazret-i Bârî Sonraki ](/fuzuli-divani/kasideler/kaside-der-tevhid-i-hazret-i-bari) ![close popup button]() × ![close popup button]() ×[![Fuzûlî Twitler Kitap - Cerrah Güner Fuzûlî - İnciler, domuzlar ve yapbozun parçaları...](/images/banners/fuzuli-twitler-kitap-foto-680.jpg "Fuzûlî Twitler Kitap - Cerrah Güner Fuzûlî - İnciler, domuzlar ve yapbozun parçaları...")](https://www.kitapyurdu.com/kitap/fuzuli-twitler/665374.html "Fuzûlî Twitler Kitap - Cerrah Güner Fuzûlî - İnciler, domuzlar ve yapbozun parçaları...") ### Fuzûlî Twitler İnciler, domuzlar ve yapbozun parçaları... \- Cerrah Güner Fuzûlî [Kitabı İncele](https://www.kitapyurdu.com/kitap/fuzuli-twitler/665374.html "Fuzûlî Twitler Kitap - Cerrah Güner Fuzûlî - İnciler, domuzlar ve yapbozun parçaları...") ```json {"@context":"https://schema.org","@graph":[{"@type":"Person","@id":"https://fuzuli.cgfuzuli.com/#/schema/Person/base","name":"Fuzûlî","url":"https://fuzuli.cgfuzuli.com/","logo":{"@type":"ImageObject","@id":"https://fuzuli.cgfuzuli.com/#/schema/ImageObject/logo","url":"images/cgfuzuli-250x250.jpg","contentUrl":"images/cgfuzuli-250x250.jpg","width":250,"height":250},"image":{"@id":"https://fuzuli.cgfuzuli.com/#/schema/ImageObject/logo"},"sameAs":["https://twitter.com/cgfuzuli","https://www.facebook.com/fuzuli"]},{"@type":"WebSite","@id":"https://fuzuli.cgfuzuli.com/#/schema/WebSite/base","url":"https://fuzuli.cgfuzuli.com/","name":"Fuzûlî Divanı","publisher":{"@id":"https://fuzuli.cgfuzuli.com/#/schema/Person/base"},"potentialAction":{"@type":"SearchAction","target":"https://fuzuli.cgfuzuli.com/arama?q={search_term_string}","query-input":"required name=search_term_string"}},{"@type":"WebPage","@id":"https://fuzuli.cgfuzuli.com/#/schema/WebPage/base","url":"https://fuzuli.cgfuzuli.com/fuzuli-divani/kasideler/kaside-der-na-t-hazret-i-fahr-i-mevcudat?tmpl=markdown","name":"Kasîde Der Na\u0027t-ı Hazret-i Fahr-i Mevcûdât - Fuzûlî Divanı","description":"Büyük şair Fuzûlî\u0027nin Divanından Gazeller, Beyitler, Kasideler, Rubailer, Mukattaat Online Oku.","isPartOf":{"@id":"https://fuzuli.cgfuzuli.com/#/schema/WebSite/base"},"about":{"@id":"https://fuzuli.cgfuzuli.com/#/schema/Person/base"},"inLanguage":"tr-TR"},{"@type":"Article","@id":"https://fuzuli.cgfuzuli.com/#/schema/com_content/article/23","name":"Kasîde Der Na\u0027t-ı Hazret-i Fahr-i Mevcûdât","headline":"Kasîde Der Na\u0027t-ı Hazret-i Fahr-i Mevcûdât","inLanguage":"tr-TR","articleSection":"Fuzûlî Divanı, Kasideler","isPartOf":{"@id":"https://fuzuli.cgfuzuli.com/#/schema/WebPage/base"}}]} ```