Teşne-i câm-i visâlin Âb-i Hayvân istemez

Teşne-i câm-i visâlin Âb-i Hayvân istemez
Mâ-il-i mûr-i hatın mülk-i Süleymân istemez

Zulmet-i zülfün giriftârı dem urmaz nurdan
Tâlib-i şem-i ruhun hur-şîd-i rahşân istemez

Eylemez meyl-i behişt üftâde-i hâk-i derin
Sâkin-i künc-i gamın seyr-i gül-istân istemez

Cevrden âh etme ey âşık ki ayn-i lutftur
Dôst esbâb-ı kemâl-i hüsne noksân istemez

Âşık isen rind ü rüsvâlıktan ikrâh etme kim
Aşk sırrın iktizâ-yi devr pinhân istemez

Aşktan vehm etmesin âşık yıkar gönlüm deyu
Hiç sultânım diyen mülkünü virân istemez

Ey Fuzûlî muttasıl devrân muhaliftir sana
Gâliba erbâb-i isti’dâdı devrân istemez