Tarîk-i fakr tutsam tab’ tâbi’ nefs râm olmaz
Gınâ kılsam taleb esbâb-i cem’iyyet tamâm olmaz
Dehânından eser görmen miyânından nişan veh kim
Ben-i nâ-kâma ömründen müyyesser hiç kâm olmaz
Mukim-i kûy-i derd eyler beni âh-i ciğer-sûzum
Bu aheng-i melâl-efzâya bundan yeğ makâm olmaz
Mürîd-i sâkîyim kim lûtfu ehl-i zevka dâ’imdir
Ne hâsıl ehl-i zühdün şefkâtinden kim müdâm olmaz
Dedim uşşakâ cevr etme dedi ol hûblar şâhı
Siyâset olmayınca aşk mülkünde nizâm olmaz
Lebinden katre katre kan içer gönlüm kerâhetsiz
Şekerden olıcak mey katresi gûyâ harâm olmaz
Fuzûlî’ni melâmet eyleyen bî-derd bilmez mi
Ki bâzâr-i cünûn rüsvâlarında neng ü nâm olmaz
Mefâîlün Mefâîlün Mefâîlün Mefâîlün
Tarîk-i fakr tutsam tab’ tâbi’ nefs râm olmaz
- Açıklama: Henüz bir açıklama girilmemiş.
