Nice yıllardır ser-i kûy-i melâmet bekleriz
Leşker-i sultân-i irfânız velâyet bekleriz
Sâkin-i hâk-i der-i mey-hâneyiz şâm ü seher
İrtifa' kadr için bâb-i sa'adet bekleriz
Cîfe-i dünya değil kerkes kimi matlûbumuz
Bir bölük ankalarız Kâf-i kana'at bekleriz
Hâb görmez çeşmimiz endîşe-i ağyardan
Pâs-bânız genc-i esrâr-i mahabbet bekleriz
Suret-i dîvâr ediptir hayret-i aşkın bizi
Gayr seyr-i bağ eder biz künc-i mihnet bekleriz
Kâr-bân-i râh-i tecridiz hatar havfın çekip
Gah Mecnun gah ben devr ile nevbet bekleriz
Sanmanız kim geceler bî-hûdedir efgânımız
Mülk-i aşk içre hisâr-i istikamet bekleriz
Yattılar Ferhâd ü Mecnun mest-i câm-i aşk olup
Ey Fuzûlî biz olar yattıkça sohbet bekleriz
