Nem-i eşkim mükedder hâtırımdan def-i gam kılmaz

Nem-i eşkim mükedder hâtırımdan def-i gam kılmaz
Bu rûşendir ki nem âyineden jengârı kem kılmaz

Ham-ı ebrû-yi müşgînin görürse zâhid-i kec-bîn
Dahi kâmet sücûd-i gûşe-i mihrâba ham kılmaz

Sana ey şûh-i sengîn-dil demen büt nişe kim büt hem
Egerçi seng-dildir böyle bî-dâd ü sitem kılmaz

Cefâ vü cevr ile kan oldu bağrım yâ Rab ol bed-hû
Niçin terk eylemez cevr ü cefâsın bir kerem kılmaz

Murâdım giryeden kesb-i gubâr-i reh-güzârındır
Gözüm yaşı dem-â-dem çihremi bi-hûde nem kılmaz

Hatın devrinde eşk-i âl ile derd-ü gamım şerhin
Dem olmaz kim ruh-i zerd üzre müjgânım rakem kılmaz

Fuzûlî haste-dil tâ ravzâ-i kûyunda sâkindir
Temennâ-yi behişt ü meyl-i gül-zâr-i İrem kılmaz