Kûh-kenden görünür kûhda âsâr henüz

Kûh-kenden görünür kûhda âsâr henüz
Ol ne benzer bana anun eseri var henüz

Çekti Mecnun ayağın bâdiyeden lîk verir
Kanlı güller ayağından çekilen hâr henüz

Nokta-i hâline bağlanmış idi cân ü gönül
Gezmeden dâ'ire-i devrde pergâr henüz

Maha çektim şeb-i hicran alem-i şu'le-i âh
Âh kim olmadı ol mâh haber-dâr henüz

Nâle-i zarım ile halka haram oldu yuhu
Kara bahtım yuhudan olmadı bîdâr henüz

Merhem-i vaslı ile buldu kamu derde devâ
Bu Fuzûlî elem-i hecr ile bîmâr henüz