Ham kad ile ağlarım ol turra-i tarrârsız
Gerçi derler çengden çıkmaz terennüm târsız
Sîne-i çâkimden eksik etme tîr-i gamzeni
Ey gül-i ra’na bilirsin kim gül olmaz hârsız
Saklamazdım nâvekin gözde belâsın çekmesem
Su verip ol nahli beslerdim mi olsa bârsız
Yol azarsın zulmet-i hayrette ey dil vâkıf ol
Zinhar ol kûya varma âh-i âteş-bârsız
Girye-i zâr ile hoş-hâlim ki bahr-i aşkta
Eşksiz göz bir sadeftir lü’lü-i şeh-vârsız
Cana âzâr-i hadengin hoş gelir ey kaşı yay
Bir sipâriş kıl ki bizden olmasın azârsız
Zühdden geçmez Fuzûlî eylemez terk-i riyâ
Pend çok verdim işitmez ârsızdır ârsız
