Buldu kûyunda devâ derd-i dil-i bîmârımız
Sen ağasın biz kuluz kûyundadır tîmârımız
Zâhidâ gör sîne çâki şu’lesin bizden sakın
Bir ocağız biz ki sûzandır der ü dîvârımız
N'ola ger olduysa fâni Kûh-ken ben bâkiyim
Aşka bizdendir bekâ yokdur olmak varımız
Gül-şen-i gam nahliyiz perverde âb-i dîdeden
Dağlar berg ah-i âteş-bârımızdır bârımız
Ehl-i terkin kuluyuz oldur bize candan aziz
Yûsuf ise hod-fürûş ânunla yok bâzârımız
Eşkimiz gird-âb-ı âlî ömrümüz bünyâd-i pest
Gör ne alçak dirlik ile çizginir pergârımız
Ey Fuzûlî cevr-i yâr ü ta'ne-i ağyârdan
Var yüz bin gam bu hem bir gam yok gam-hârımız
