Tereşşuh kabrimin taşından etmiş çeşmimin yaşı
Hayâl eyler gören kim lâ’ldendir kabrimin taşı
Ne zibâsın ki sûret bağlamaz tasvîr-i ruhsârın
Tahayyür sûret eyler sûretin çekdükde nakkâşı
N’ola gird-âb-i gam dersem men-i ser-geşte dünyâya
Sanır kim çizginir âlem kimin kim çizginir başı
Sipihr-i pür-kevâkibden değil derde devâ mümkin
Hayâl etmen vere tiryâk-i zehr-i gam bu haşhâşı
Bakâsı mümkin olmaz olsa ger divâr-i ömründe
Meh ü hur-şîdden hışt-i binâ eflâkten kâşî
Verir emvâta ihyâ bâde gûyâ kim çıkıp her dün
Salar feyz-i Mesihâ bâdeye hum-hâne huffâşı
Fuzûli’ni reh-i aşkında eşk ü âh eder rüsvâ
Belâdır her kimin bir yolda gammâz olsa yoldaşı
