Tâb-i sûz-i sineden eksilmeseydi göz nemi

Tâb-i sûz-i sîneden eksilmeseydi göz nemi
Göz yumup açınca seyl-âba verirdim âlemi

Her gözüm pür mevc bir deryâdır ol deryâ üze
Her kaşımdır mevcden bir ser-nigûn olmuş gemi

Mûy-i jülidemdedir cem‘iyyet-i esnâf-i gam
Mülk-i sevdânın budur guyâ sevâd-i â’zamı

Hecr var ey dîde vasl eyyâmı dökme hûn-i dil
Sakla kim elbette hem anun gelir bir gün demi

Ademîden çok olur zâhir peri-veşler veli
Az olur vâki ‘ peri-veşlerde sen tek âdemi

Vasl yâdiyle gönül söndürme âhım âteşin
Külbe-i târımdan ikrâh etmesin hicran gamı

Ey Fuzûlî kıldı cânım riştesin pür piç ü tâb
Bir peri-veş dil-berin sevdâ-yı zülf-i pür-hamı