Hoş geldi dün ol aye sirişkim nezâresi
Böyle olur ki âşıkın işler sitâresi
Ey her maraz ilâcına hükm eyleyen tabib
Bimâr-i derd-i aşk olanın yok mu çâresi
N’oldu getirmedin ele sad-pâre gönlümü
Vehm eyledin mi el kese bu şişe pâresi
Çıkmak diler sefine-i ten cünbişiyle cân
Deryâ-yi aşktan ki ademdir kenâresi
Derler ki var Vâmık ü Mecnûn aceb değil
Dağılmış ola âteş-i âşkım şerâresi
Senden hemişe tîr-i belâdır gelen bana
Böyle olur mu âşık u ma’şukun aresi
Ey söyleyen Fuzûlî’ye aşk içre sabr kıl
Söyle bu merhem ile kimin bitti yâresi
