Gör şirişkim şeb-i hicran deme kim kandır bu
Zerre zerre şerer-i âteş-i hicrandır bu
Sanmanız kanlı döğün sine delip baş çekmiş
Şu’le-i âteş-i âh-i dil-i sûzandır bu
Kesme ümmîd gönül başına çizginmekten
Ola nâ-geh düşe fırsat ele devrândır bu
Dem-be-dem cânımı ey derd ü belâ incitmen
Lûtf edin bir iki dem kim size mihmândır bu
Ne yakarsın okun ey âteş-i dil vasl günü
Bize hicrân gecesi şem’-i şem-istândır
Gönül ister ala bir bû ser-i zülfünden lik
Vermeden cân diler almak sanır âsândır bu
Dün demişsin ki Fuzûlî bana kurbân olsun
Sana kurbân olayım yine ne ihsandır bu
