Eger çıksaydı derdin cismden derdim ki cândır bu
Ne hâcet derdini yeğdir demek cândan ayândır bu
Dem-â-dem hûblar cevriyle artar lezzeti aşkın
Yamandır bu ki tahkîk etmedin derler yamandır bu
Hadengi sâyesinde hoş geçir evkâtını ey dil
Ki gül-zâr-i hayâtın zîneti serv-i revândır bu
Tutuştum âteş-i dilden ciğer kanına gark oldum
Egerçi bir şerâre oddur ol bir katre kandır bu
Cihana kaddin ile kâkülünden fitneler düşmüş
Kıyâmet ibtidâsı fitne-i âhir zamandır bu
Dediler bî-haberler bâğ-i cennet kûyuna benzer
Haber verdi bana andan gelen âdem yalandır bu
Fuzûlî kıldı feryâd ü figanın tîre gerdûnu
Henûz ol mâh sormaz kim ne feryâd ü figandır bu
