Habâb-i eşk-i hûnin cismimi elden nihân etmiş

Habâb-i eşk-i hûnîn cismimi elden nihân etmiş
Gam-i aşkın men-i rüsvâyı bî-nâm ü nişân etmiş

Götürmüş hâkten tuğyân-i eşkim har ü hâşâkı
Başım üzre melâmet kuşlarıyçin âşyân etmiş

Büküp mihnet yükünden kaddimi çıkmış tenimden cân
Tavâf-ı kûyun etmek kasdine tayy-i mekân etmiş

Seninle ettiği için da'vî-i takdim hüsn içre
Felek ta'zîr edip Leyli'ni rüsvâ-yi cihân etmiş

Meger terkîb-i Îsî gerd-i hâk-i der-gehindendir
Ki durmuş hâkten kadr ile azm-i âs-mân etmiş

Gezen peykânlarındır tende yâ cân bâğına aşkın
Belâ ser-çeşmesinden her taraf sular revân etmiş

FuzûIî'den mizâcın münharif gördüm bu gün yârın
Meger fırsat bulup bir şemme hâl-i dil beyân etmiş