Dil ki ser-menzili ol zülf-i perişân olmuş

Dil ki ser-menzili ol zülf-i perişân olmuş
N'ola cürmü ki asılmasına fermân olmuş

Şâhsın mülk-i melâhette sana kullar çok
Biri oldur ki varıp Mısr'da sultân olmuş

Rahm edip âşıkın haşr günü yakmayalar
Ki bu dünyâda esîr-i gam-i hicrân olmuş

Dediler gam giderir bâde çok içtim sensiz
Gam-i hicrâna müfîd olmadı ol kan olmuş

Bâğ-bân-i çemen-i dehre hayâl-i dehenin
Sebeb-i terbiyet-i gonce-i handân olmuş

Âdem evvel ser-i kûyun verip olmuş cennet
İşitip ta'n-i melek sonra peşîmân olmuş

Ey Fuzûlî benim ahvâlime bir vâkıf yok
Böyle kim âlem anun hüsnüne hayrân olmuş