Şifâ-yi vaslı kadrin hecr ile bîmâr olandan sor

Şifâ-yi vaslı kadrin hecr ile bîmâr olandan sor
Zülâl-i şevk zevkin teşne-i didâr olandan sor

Lebin sırrın gelip güftâra benden özgeden sorma
Bu pînhan nükteni bir vâkıf-i esrâr olandan sor

Gözü yaşlıların hâlin ne bilsin merdüm-i gâfil
Kevâkib seyrini şeb tâ sehere bîdâr olandan sor

Habersiz olma fettan gözlerin cevrin çekenlerden
Habersiz mestler bi-dâdını hüş-yar olandan sor

Gamından şem’tek yandım sabâdan sorma ahvâlim
Bu ahvâli şeb-i hicrân benimle yâr olandan sor

Harâb-i câm-i aşkım nergis-i mestin bilir hâlim
Harâbât ehlinin ahvâlini hammâr olandan sor

Muhabbet lezzetinden bî-haberdir zâhid-i gâfil
Fuzûlî aşk zevkin zevk-i aşkı var olandan sor