Sabûh için bana dürd-i mey-i şebâne yeter
Eser ki var harâb olmağa behâne yeter
Cefâ okun bana yağdırman ancak ey eflâk
Demen ki yedd-i kemân-dâra bir nişâne yeter
Beyâna yetmeğe derd ü gamım fesâneleri
Zebânım âteş-i dilden çıkan zebâne yeter
Kopardı merdüm-i çeşmim gönül binasın kim
Habâb-i eşk hevâ nakdine hızâne yeter
Lebin hayâli ile pâre pâre oldu ciğer
Güvâh-i hâl bana eşk-i dâne dâne yeter
Harîf-i bezm-i gamım hûn-i dil şarâbım olup
Terâne tarabım âh-i âşıkâne yeter
Fuzûlî istemezem mesned-i Cem ü Cemşid
Bana nişimen-i devlet şarâb-hâne yeter
Sabûh için bana dürd-i mey-i şebâne yeter
- Gazel No: 082
- Aruz Vezni: Mefâîlün Feilâtün Mefâîlün Feülün
- Açıklama: Henüz bir açıklama girilmemiş.
