Ezel kâtipleri uşşâk bahtın kare yazmışlar

Ezel kâtipleri uşşâk bahtın kare yazmışlar
Bu mazmûn ile hat ol safha-i ruhsâre yazmışlar

Havâs-i hâk-i pâyın şerhini tahkîk edip merdüm
Gubâr ilen beyâz-i dde-i hun-bâre yazmışlar

Gül-istân-i ser-i kûyun sıfâtın bâb bâb ey gül
Hat-i reyhân ile cedvel çekip gül-zâre yazmışlar

İki satr eyleyip ol mey-gûn lâ’ller vasfın
Görenler her birin bir çeşm-i gevher-bâre yazmışlar

Girip büt-hâneye kılsan tekellüm can bulur şeksiz
Musavvirler ne sûret kim der ü dîvâre yazmışlar

Muharirler yazanda her kime âlemde bir rûzî
Bana her gün dil-i sâd-pârenden bir pâre yazmışlar

Yazanda Vâmık u Ferhâd ü Mecnun vasfın ehl-i derd
Fuzûlî adını gördüm ser-i tûmâre yazmışlar