Topraktan götür beni ey eşk-i lâle-gûn
Başımdan etme sâyeni kem ey habâb-i hûn
El ta’nesinden isterim ol kûya gitmeyem
Öz ihtiyârım ile beni koyma ey cünûn
Teskin bulur ciğerde harâret sirişk ile
Sûz-i dil ile sînede râhat olur füzûn
Ey hûn-i dîde kesme ciğerden ta’allûkun
Mihrin savutma sîneden ey âteş-i derûn
Bir gün bize sa’âdet-i vasl etmedin nasîb
Bizden götür nuhûsetin ey tâli-i zebûn
Ol gamze hancerine uğratmadın bizi
Kes bizden âşnâlığın ey baht-i vâj-gûn
Ey çerh kıl Fuzûlî’nin ahından ihtirâz
Kim bir gün etmeye yedi tâkını ser-nigûn
Topraktan götür beni ey eşk-i lâle-gûn
- Gazel No: 231
- Aruz Vezni: Mefûlü fâilâtü mefâîlü fâilün
- Açıklama:
Henüz bir açıklama girilmemiş.
