Şifâ lutf et dil-i bîmâra lâ’l-i nûş handinden
İyen hem olma ey bî-derd gâfil derd-mendinden
Semendin katlime seğrittin amma korkum andandır
Ki sebkat ede nâ-geh tevsen-i ömrüm semendinden
Murâd-i hâtırın ger müşkil olmaktır işim olsun
Ne çâre geçmek olmaz hâtır-i müşkil-pesendinden
Bilirdim sende hem var ol hevâ kim bendedir ey ney
Dem urdukça eger çıksaydı âteş bend bendinden
Haris eyler beni pendin mezâk-i aşka ey nâsih
Dirîğ etme ki mahzûzum senin peyveste pendinden
Kemend-i dûd-i ahındır Fuzûlî çerh boynunda
Aceb sayyâdsın kim çerh kurtulmaz kemendinden