N’ola zâhid bilse küfr-i zülfün imân olduğun

N’ola zâhid bilse küfr-i zülfün imân olduğun
Şimdi görmüşler midir kâfir müselmân olduğun

Ben eğer âşık olup din vermeseydim gârete
Kim bilirdi aşk mülkü kâfir-istân olduğun

Kıl sevâb ey göz döküp kan vâkıf et gâfilleri
Meyl edenler aşka bilsinler ciğer kan olduğun

Taşa benzer kanlı her perkâle kim gözden çıkar
Andan ettim fehm gönlüm şehri virân olduğun

Va’de-i vaslına ol günden ki verdim gönlümü
Ben anun bilmez midim âhir peşîmân olduğun

Aşkını âsan görüp oldum esîri tıfl iken
Bilmedim geldikçe bir âşûb-i devrân olduğun

Ey Fuzûlî hûblar vaslına eylersin heves
Gûyya bilmezsin ol vasl içre hicrân olduğun