Egerçi iğne tek geçtim cihânın her ne varından
Henüz ardımcadır kayd-i ta’allûk zülfi târından
Şehîd-i aşk olup feyz-i bakâ kesb eylemek hoşdur
Ne hâsıl bî-vefâ dehrin hayât-i müste’ârından
Görünmez sûret-i ümmîd-i vaslın levh-i cânımda
Mükedderdir meger ol âyine cismim gubârından
Uzanır rişte-i tûl-i emel dîdâr zevkiyle
Ham açıldıkça ol gül-çehre zülf-i tâb-dârından
Sanadır iktidâsı tavf-i kûy-i Leyli etmekde
Has ü hârı kopar ey nâka Mecnun reh-güzârından
Fuzûlî’den melâmet ihtirâzın isteyen gûyâ
Değil vâkıf dil-i sûzan ü çeşm-i eşk bârından
![Egerçi iğne tek geçtim cihânın her ne varından - Fuzûlî Gazeli](/images/gazeller/gazel-214.jpg)
Egerçi iğne tek geçtim cihânın her ne varından
- Gazel No: 214
- Aruz Vezni: Mefâîlün Mefâîlün Mefâîlün Mefâîlün
- Açıklama:
Açıklamayı görmek için Giriş yapmalısınız.