Cem’ gönlün devr cevrinden perişân olmasın

Cem’ gönlün devr cevrinden perişân olmasın
Çerh fermânınla gezmekten peşimân olmasın

Yer işi gök cünbişi re’yinle bir dem olmasa
Yeddi iklim ü dokuz gerdûn-i gerdân olmasın

Bir binâdır devletin olmuş penâh-i hâs u âm
Ol binâ yâ Rab cihân oldukça vîrân olmasın

Kılmasa âlem murâdınca medâr olsun harâb
Olmasa devrân senin re’yince devrân olmasın

Çizginirken dostlar kâmınca fermânında çerh
Hâkim-i takdirden tağyir-i fermân olmasın

Tâbi olsun cümle-i âlem senin fermânına
Cümle-i âlemde senden gayrı sultân olmasın

Lâhza lâhza gül-şen-i medhinde gûyâ olmasa
Bülbül-i nutku Fuzûlî’nin hoş-elhân olmasın