Reh-rev-i irfâna bestir sâgar ü sâki delîl
Kim meh ü hur-şîdden tapmış temennâsın Halîl
Olsa isti’dâd-i ârif kâbil-i idrâk-i vahy
Emr-i Hak isâline her zerredir bir Cebre’îl
Her kimin takdirden maksûdu öz kadrincedir
Ehl-i aşk ister zülâl-i vasl zâhid selsebîl
Cennete zâhid bilir can vermeden yetmez velî
Câna kıymaz öz temennâsındadır miskîn bahîl
Ey kılan izhâr-i zillet müjde-i izzet sana
Kim bu der-gehde mukarrerdir azîz olmak zelîl
Va’de-i vaslın beni salmış hayâl-i zülfüne
Kim diler tûl-i emel ser-rişte-i ömr-i tavîl
Ey Fuzûlî hûblar zikr-i cemâliyle hoşum
Şükr kim kesb etmişim âlemde bir zikr-i cemîl
Reh-rev-i irfâna bestir sâgar ü sâki delîl
- Gazel No: 177
- Aruz Vezni: Müstef’lün/ fâ’ilâtün/ müstef’ilün/ fâ’ilün
- Açıklama:
Henüz bir açıklama girilmemiş.