Öyle müstesnâ güzelsin kim sana yoktur bedel

Öyle müstesnâ güzelsin kim sana yoktur bedel
Senden ey can münkati kılmaz beni illâ ecel

Nice sûret bağlasın gönlüm halâs-i aşktan
Aşktır bir hâl kim ol hâle gönlümdür mahal

Aşkıma noksan yetirmez görmemek ol ârızı
Cevhere tağyîr-i âsâr-i arâz vermez halel

Eyledi rüsvâ gönül çâk-i giribân-i edeb
Gör ne ehl-i ilmdir âdâb ile eyler cedel

Hâlimi gördükçe ben’i ehl’i aşk eyler fakîh
Hüccet-i maktu-‘i yok eyler kıyâs ile amel

Medrese içre müderris verdiği bin dersten
Yeğ durur mey-hânede bir câm vermek bir güzel

Ey Fuzûlî ben dem urmuştum safâ-yi aşktan
Matla’-i hur-şîd icâd olmadan subh-i ezel