Mülk-i hüsnün böyle zâlim pâd-şâhı olmagıl

Mülk-i hüsnün böyle zâlim pâd-şâhı olmagıl
Kim sana zâlim dese âdil güvâhı olmagıl

Gamze tîğin çekme her sâ’at gönül yağmasına
Hükme tâbi mülke gâret-ger sipâhî olmagıl

Âhını ey mâh uşşâkın yetirme göklere
Derd ehlinin nişân-i tir-i âhı olmagıl

Ger dilersen şem tek gayret oduna yanmayam
Şâmlar ağyâr şem’-i bezm-gâhı olmagıl

Âdet etmek hoş değil bî-dâde rahm et Tanrı-çün
Gâhi olsan mâ’il-i bi-dâd gâhi olmagıl

Âşık u rüsvâ görüp men’ etme ey nâsih beni
Münkir-i âsâr-i takdir-i İlâhi olmagıl

Ey Fuzûlî eyle tâ’at-i riyâyî terkini
Tevbe kıl min ba’d meşgûl-i menâhi olmagıl