Bes ki za’f-i rûzeden her gün tapar tağyir-i hâl

Bes ki za’f-i rûzeden her gün tapar tağyir-i hâl
Olacaktır ıyd için mâh-i tamâmım bir hilâl

Kıldı mâh-i rûze ol hurşîdi gün günden za’if
Zerre zerre aya san gün nûru eyler intikâl

Bir hayâl etmiş mi zâ’f-i rûze yârı bilmezem
Yoksa yârı görmeyip ben gördüğümdür bir hayâl

Tutabilseydim su içmezdim kılardım def’ini
Rûzenin kim göz göre hurşîdime ister zevâl

Ay tutulsun rûze eyyâmında gün düşsün yere
Kim bu ay günden buluptur mihr-bân mâhım melâl

Kanını içmek diler ol lâ’l-i mey-gûn bu gece
Rûze tutmuş gâliba iftâr için ister helâl

Yemek içmek fikrin ehl-i rûzeden kes ey güneş
Bir sevâb et subhlardan tâ şâm kıl arz-i cemâl

Rûze teklîfin Fuzûlî’den götür ey muhtesib
Nâ-tüvandır anda bu teklîfe yoktur ihtimâl