Kıymadın sâkin-i kûyun olana peykânın

Kıymadın sâkin-i kûyun olana peykânın
Bir içim su ile ağırlamadın mihmânın

Nâvek-i gamze diriğ eyleme âşıklardan
Kesme erbâb-i vefâdan nazar-i ihsânın

İsteğin cân idi hâk-i rehine tapşırdım
Yetti ol hod yerine şimdi nedir fermânın

Câna yettim elem-i hecrin ile ey zâlim
Rahm kıl cânın için var ise bir dermânın

Dâd-hâhım sana dâmen ne çekersin benden
Yok mu vehmin ki tutam haşr günü dâmânın

Zâlim olsan ne aceb yok sana düzâh vehmi
Sana hod yetmeyecektir senin öz hicrânın

Vasl eyyâmı revan yâre fidâ eylemedin
Ey Fuzûlî gam-i hicrân ile çıksın cânın