Leblerin tek lâ’l ü lâfzın tek dür-i şehvâr yoh
Lâ’l ü gevher çok lebin tek lâ’l-i gevher-bâr yoh
Senden etmen dâd cevrin var lütfun yok deyip
Mest-i zevk-i şevkınım birdir yanımda var yoh
Kime izhâr eyleyem bilmen bu pinhan derdi kim
Var yüz bin derd-i pinhan kudret-i izhâr yoh
Devr ser-mest-i şarâb-i gaflet etmiş âlemi
Bunca ser-mestin temâşâsına bir hüş-yâr yoh
Halkı medhûş eylemiş hâb-i şeb-i tûl-i emel
Subh tahkîki âlâmâtına bir bîdâr yoh
Sûreti zîbâ sanemler yok dimen büt-hânede
Var çok ammâ bir sana benzer büt-i hun-hâr yoh
Ey Fuzûlî sehldir her gam ki gam-hârı ola
Gam budur kim bende bin gam var bir gam-hâr yoh
