Yürütmeniz arakı meclis içre bâde ile
Harâm-zâdeni koyman helâl-zâde ile

Verir sitem sebâkın tıfl-i hattına zülfün
Koma ol içi karanı bu levh-i sâde ile

Bana zamân ile Mecnun mukaddem olsa n’ola
Oyunda şâh ber-â-ber deyil piyâde ile

Kaşın belâsına düştüm felek gamın çekerek
Bu güçlü yayı çeker oldum ol kebâde ile

Kapında ham kaddimi gezdirip yürür gönlüm
İtin durur yüğürür her taraf kılâde ile

Benim müderris-i ilm-i cunûn hanı Mecûn
Ki ber-murâd ola devrimde istifâde ile

Yaşım ayağına ger düşse men’in eylemzem
Ne eyledi bana nem var bir fütâde ile

Beni sığınma Fuzûlî gam içre Mecnun tek
Ki ben ziyâdeyim andan gam-i ziyâde ile