Yine ol mâh benim aldı karârım bu gece

Yine ol mâh benim aldı karârım bu gece
Çıkacakır feleğe nâle vü zârım bu gece

Şem’ veş mahrem-i bezm eyledi ol mâh beni
Yanacaktır yine hecr oduna varım bu gece

Hem visâli urar od cânıma hem hicrânı
Bir aceb şem’ ile düştü ser’ü kârım bu gece

Ne tütündür ki çıkar çehre dil-i zâre meger
Hecr dâğını urar lâle-‘izarım bu gece

Subha saldı bu gece şem kimi katlimi hecr
Ola kim subh gelince gele yârim bu gece

Pâre pâre ciğerim itlerine nezr olsun
Ol ser-i kûya eger düşse güzârım bu gece

Var idi subh visâline Fuzûlî ümmîd
Çıkmasa hasret ile cân-i figârım bu gece