Su verir her subh-dem göz yaşı tiğ-i ahıma
Kim dökem kanın sipihrin salsa mihrin mâhıma
Şem-i ruhsârın odu kıldı beni âteş-gede
Çâk-i sinemden temâşâ eyle âteş-gâhıma
Tûtiyâ tek çeşm-i erbâb-i nazardır menzilim
Gerçi hâk-i reh-güzârım dide-i bed-hâhıma
Gam kimi öldürse kanlı tek kaçar benden yana
Şâh-i derdim ilticâ eyler ulüvv-i câhıma
Bir fakirim durmasın kimse bana ta’zim için
Kanda gitsem ey gözüm su sep gubâr-i râhıma
Gâfilim sırr-i leb-i cân-perverinden tâ hatın
Konduruptur gerd mir’ât-i dil-i âgâhıma
Ey Fuzûlî yâre dönderdim yüzüm âğyârdan
Hasmı çok gördüm sığındım sıdk ile Allâh’ıma
