Mushaf demek hatâdır ol safha-i cemâle

Mushaf demek hatâdır ol safha-i cemâle
Bu bir kitâp sözüdür fehm eden ehl-i hâle

Ruhsâre nokta olmak resm-i hat olmasaydı
Düşmezdi menzil etmek ruhsârın üzre hâle

Hayrân-i mâh-i ruyun hur-şîde mihr salmaz
Müştâk-i tâk-i ebrin eksik bakar hilâle

Kondurdu gerd hattın âyine-i murada
Kufl urdu akd-i zülfün gencîne-i visâle

Devrân bana kalem tek sevdâ kapısın açtı
Tâ kaddimi gamından dönderdi za’f nâle

Resm-i vefa Fuzûlî senden kemâle yetmiş
Hoş kâmil-i zamansın ahsent bu kemâle