Hazer kıl ah odundan cevrini uşşâka az eyle
Has ü hâşâki yakma şu’lesinden ihtirâz eyle

Sanemler secdesidir bizde tâ’at Tanrı’çün zahid
Kimi görsen sen öz dinin teklîf-i namâz eyle

Hakikat hattını yazmak dilersen levh-i zâtında
Hatın gül-ruhların manzûr tut meşk-i mecâz eyle

Sanemler seng-dillerdir işitmezler söz ey râhip
Yeter bi-hûde ben tek anlara arz-i niyâz eyle

Senin nâzın görende akl kalmaz hasbeten-li’llâh
Eman ver âşık-i didâra bir dem terk-i nâz eyle

Yolunda intizâr-i makdeminle hâk olan çoktur
Hırâm et bir kadem bin hâk-sârı ser-firâz eyle

Fuzûlî câna tapşırdın hayâlin şimdi rüsvâsın
Sana kim der ki nâ-mahreme ifşâ-yi râz eyle