Ey dil-i ser-geşte vü şikeste vü vâlih
Salli ve sellim ale’n-nebiyyi ve âlih

Na’t-i nebi’dir kemâl-i akl nişânı
Fâte bi mâ şâa min sıfatı kemâlih

Dâğ-i fırâkına ihtimâl ne mümkin
Ahrakani nâru iştiyâki visâlih

Zikri ile hoş geçir hemîşe zamânın
Müftekiren fi cemâlihi ve celâlih

Eyle hayâl-i rûhun nazarda tasavvur
Vaktebese’n-nûri min şuâi cemâlih

Marzî vü meşkûrdur cemî’i fi’âli
Ahsene men hassahu cemîu hisâlih

Tâbi’i olmaktadır necât Fuzûlî
Yesserekallahu tâbian lifiâlih