Ey hadeng-i gamına sîne-i ahbâb hedef
Muntazır hancer-i müjgânına canlar saf saf

Hâk-i der-gâhına her subh sürer gün yüzünü
Gâlibâ andan ana hâsıl oluptur bu şeref

Hâşe-li’llâh ki bu divâne-i şevk-i hatında
Sebeb-i kayd ola zencîr-i sütûr-i mushaf

Saldı deryâya sabâ hancer-i gamzen vehmin
Ki çıkarmaya dahi gevher-i nâ-sufte sadef

Ey gönül âleme aldanma sana reng verir
Hâkdir kim anı geh lâ’l kılar gâh hazef

Bezm-i Cemşid fenâ bulmağile bildim kim
Devr cevrinden imiş nâle-i ney nevhâ-i def

Ey Fuzûlî taleb-i rütbe-i irfân eyle
Cehl ile hâsıl-i evkât-i şerîf etme telef