Zihî zâtın nîhân ü ol nihandan mâ-sivâ peydâ
Bihâr-i sun’una emvâc peydâ ka’r nâ-peydâ
Bülend ü pest-i âlem şâhid-i feyz-i vücûdundur
Değil bi-hûde olmak yok iken arz ü semâ peydâ
Kemâl-i hikmetin izhâr-i kudret kılmağa etmiş
Gubâr-i tîreden âyine-i gîtî-nümâ peydâ
Dem-â-dem aks alır mir’ât-i âlem kahr u lûtfuna
Anun’çün geh küdüret zâhir eyler geh safâ peydâ
Gehi toprağa eyler hikmetin bin meh-likâ pinhân
Gehi sun’un kılar topraktan bin meh-likâ peydâ
Cihân ehline tâ esrâr-i ilmin kalmaya mahfi
Kılıptır hikmetin küffâr içinde enbiyâ peydâ
Nişân-i şefkatindir kim olur izhâr-i hamdin’çin
Fuzûlî tîre tab’ından kelâm-i can fezâ peydâ
Zihî zâtın nîhân ü ol nihandan mâ-sivâ peydâ
- Gazel No: 004
- Aruz Vezni: Me fâ î lün me fâ î lün me fâ î lün me fâ î lün
- Açıklama: Henüz bir açıklama girilmemiş.
