Yâ Rab hemîşe lûtfunu kıl reh-nümâ bana
Gösterme ol tarîki ki yetmez sana bana
Kat’ eyle âşnâlığım andan ki gayrdır
Ancak öz âşnâların et âşnâ bana
Bir yerde sâbit et kadem-i i’tibârımı
Kim reh-ber-i şeri’ât ola muktedâ
Yok bende bir amel sana şâyeste âh eger
A’mâlime göre vere adlin cezâ bana
Havf ü hatâda muztaribim var ümid kim
Lûtfun vere bişâret-i afv-i hatâ bana
Ben bilmezem bana gereğin sen hakimsin
Men’eyle verme her ne gerekmez bana bana
Habs-i hevâda koyma Fuzûlî-sıfat esîr
Yâ Rab hidâyet eyle tarîk-i fenâ bana
