Şerbet-i lâ’lin ki derler Çeşme-i Hayvân ana
Ol verir can dem-be-dem uşşâka vü ben cân ana
Oklarından kim diken tek sancılıptır her taraf
Gül-bün-i gamdır kadîm her gonce bir peykân ana
Hâl ü hattır bilmen ol âyine-i ruhsâr üze
Ya gözümden aks salmış merdüm ü müjgân ana
Tutma ey kan dem-be-dem tuğyân edip ten çâkini
Koy bu manzardan demi nezzâre kılsın cân ana
Bahre lü’lü’ dişlerin vasfın meğer söyler sabâ
Kim kulak tutmuş sadef içre dür-i galtân ana
Gönlüme salmış hatın zevkin felek kan yutturup
Tıfl tek kim okudurlar zecr ile Kur’ân ana
Ey Fuzûlî ol sanem efgânına rahm eylemez
Taşa benzer bağrı te’sir eylemez efgân ana
Şerbet-i lâ’lin ki derler Çeşme-i Hayvân ana
- Gazel No: 010
- Aruz Vezni: Fâ i lâ tün fâ i lâ tün fâ i lâ tün fâ i lün
- Açıklama: Henüz bir açıklama girilmemiş.
