Şeb ki miftâh-i meh-i nev ola gencîne-güşâ
Kıla peymâne-i gerdûnu cevâhir-peymâ
Gizleyip çeşme-i hur-şîd suyun kûze-i çerh
Katre katre kıla encüm reşehâtın peydâ
Lâle-reng ola şafaktan felek-i minâ-fâm
Taşra salmış kimi aks-i mey-i gül-gûn minâ
Meh-i nev câmını devre getire sâki-i dehr
Encüm-i çerhe sala neş’e-i te’sir-i hevâ
Tutar olsam ne aceb mey eteğin dürd-sıfat
Eyleyiptir nice toprağı bu iksîr tılâ
Ben hem ol rûh-feza râhı dökem sâgara kim
Nahl-i işret resehâtından ola neşv ü nemâ
Câm devrinde Fuzûlî okurum mey vasfın
Âteş-i hırmen-i gam Âb-i Hayât-i hukemâ
Şeb ki miftâh-i meh-i nev ola gencîne-güşâ
- Gazel No: 023
- Aruz Vezni: Fe i lâ tün fe i lâ tün fe i lâ tün fe i lün
- Açıklama:
Henüz bir açıklama girilmemiş.
