Her zaman manzûr bir şûh-i sitem-gerdir bana
Handa olsam bir belâ Hak’dan mukarrerdir bana
Ol ham-i ebrûya kılsam secde her sâ’at n’ola
Kıble ile ol ham-i ebrû ber-â-berdir bana
Gam değil cismimde ger seng-i melâmet zahmi var
Şıhna-i bâzâr-i sevdâyım bu zîverdir bana
Gözde hûn-âlûde peykânın hayâliyle hoşum
Her biri gûyâ ki bir berg-i gül-i terdir bana
Zahmlerden bin ağız açtım edâ-yi şükr için
Her okun bir ni’met-i gayr-i mükerrerdir bana
'Akl irşâdiyle bulmak kâm mümkindir velî
Dâm-i râh ol halka-i zülf-i mu’anberdir bana
Ahter-i bahtım vebâlim gör kim ol mehden gelen
Mihrlerdir özgeye cevr ü cefâlardır bana
Ey Fuzûlî menzil-i maksûda yetsem ne aceb
Hidmet-i pîr-i mugan irşâdı reh-berdir bana
Her zaman manzûr bir şûh-i sitem-gerdir bana
- Gazel No: 014
- Aruz Vezni: Fâ i lâ tün fâ i lâ tün fâ i lâ tün fâ i lün
- Açıklama: Henüz bir açıklama girilmemiş.
