Gamzesin sevdin gönül cânın gerekmez mi sana
Tîğe urdun cism-i uryânın gerekmez mi sana
Âteşîn âhımla eylersin bana teklif-i bâğ
Bâğ-ban gül-berg-i handânın gerekmez mi sana
Yele verme dağıtıp her yan ayaklardan götür
Ey perî zülf-i perişânın gerekmez mi sana
Ey kemân-ebrû rakîbe verme gamzenden nasîb
Ok atarsın taşa peykânın gerekmez mi sana
Yandırıp cânım cihan-sûz etme berk-i âhımı
Âs-man hur-şîd-i rahşânın gerekmez mi sana
Küfr-i zülfünden beni men’ eylemek lâyık değil
Sâfî insâf eyle îmânın gerekmez mi sana
Tutalım kim eşk seyl-âbına yoktur i’tibâr
Ey Fuzûlî çeşm-i giryânın gerekmez mi sana
Gamzesin sevdin gönül cânın gerekmez mi sana
- Gazel No: 019
- Aruz Vezni: Fâ i lâ tün fâ i lâ tün fâ i lâ tün fâ i lün
- Açıklama: Henüz bir açıklama girilmemiş.
