Fakr mülkü taht ü âlem terki efserdir bana
Şükr-li’llah devlet-i bâki müyesserdir bana
Zülf ü ruhsârı hayâliyle nedir hâlin dimen
Öyleyim kim gece vü gündüz ber-â-berdir bana
Hûr ü Tûbâ vasfın ey vâ’iz bu gün az eyle kim
Hem-dem ol Tûba-hırâm ü hûr-peykerdir bana
Aradan ey şem’ çık bir gûşe tut kim bu gece
Bezm bir hur-şîd-tal’attan münevverdir bana
Verdi bâd-i subh bir hur-şîd tal’at müjdesin
Şem’ veş veh kim bu dem ölmek mukarrerdir bana
Zâhidâ sen kıl teveccüh gûşe-i mihrâba kim
Kıble-i tâ’at ham-i ebrû-yi dil-berdir bana
Ey Fuzûlî cem’ olur peyveste el nezzâreme
Arsa-i deşt-i cünûn sahrâ-yi mahşerdir bana
