Kıl sabâ gönlüm perîşân olduğun cânâne arz
Sûret-i hâlin bu vîrân mülkün et sultâne arz
Derhem olmuş sünbülün gûyâ ki kılmıştır ana
Mû-be-mû hâl-i dilim diller uzatıp şâne arz
Tende cânım bir perînindir emânet saklarım
Ol zamandan kim emânet kıldılar insâne arz
Halk küfr ehline îmân arz eder ben dem-be-dem
Küfr-i zülfün eylerim göğsümdeki îmâne arz
Sûret-i bî-cân ile cennet dolar büt-hâne tek
Kılsalar cennette tasvîrin çekip gılmâne arz
Mün’imin arz-i tecemmüldür işi fakr ehline
N’ola ger dil kılsa her dem derd-i aşkın câne arz
Ey Fuzûlî böyle pinhân tutma eşk-i âlini
Eyle her reng ile kim var ol gül-i handâne arz
Kıl sabâ gönlüm perîşân olduğun cânâne arz
- Gazel No: 139
- Aruz Vezni: Fâ i lâ tün / Fâ i lâ tün / Fâ i lâ tün / Fâ i lün
- Açıklama:
Henüz bir açıklama girilmemiş.
