Gönlüm açılır zülf-i perişânını görgeç
Nutkum tutulur gonce-i handânını görgeç
Bakdıkça sana kan saçılır dîdelerimden
Bağrım delinir nâvek-i müjgânını görgeç
Ra’nâlık ile kâmet-i şimşâdı kılan yâd
Olmaz mı hacil serv-i hırâmânını görgeç
Çok aşka heves edeni gördüm ki hevâsın
Terk etti senin âşk-i nâlânını görgeç
Kâfir ki değil mu’terif nâr-i cehennem
İmâna gelir âteş-i hicrânını görgeç
Nâziklik ile gonce-i handânı eden zikr
Etmez mi hayâ lâ’l-i dür-efşârını görgeç
Sen hâl-i dilin söylemesen n’ola Fuzûlî
El fehm kılar çârk-i giribânını görgeç
Gönlüm açılır zülf-i perişânını görgeç
- Gazel No: 053
- Aruz Vezni: Mefûlü Mefâîlü Mefâîlü Feûlün
- Açıklama: Henüz bir açıklama girilmemiş.
