Subh çekmiş çerhe çalmış taşa tîğin âf-tâb
Zâhir etmiş ol meh-i dellâke ayn-ı intisâb
Dem-be-dem tâhrîk-i tîğinden bulur başlar safâ
Öyle kim su meve urup zâhir kılar her dem habâb
Her ser-i mûyumda bir baş olsa mûy-i ser kimi
Kesse varın tîg-i hun-rîzinden etmem ictinâb
Keşf-i esrâr-i melâhet cevher-i tîgindedir
Kim alır başlardaki sevdâ cemâlinden hicâb
Tîğ-i câpük-seyrine âhû-yi Çîn dersem n’ola
Seyr kıldıkça döker sahra-yi Çîn’e müşg-i nâb
Mûy-i jûlidemle tîginden ümîdim kesmezem
Ey Fuzûlî hâli olmaz berk-i lâmi’den sehâb
Subh çekmiş çerhe çalmış taşa tîğin âf-tâb
- Gazel No: 031
- Aruz Vezni: Fâ i lâ tün fâ i lâ tün fâ i lâ tün fâ i lün
- Açıklama: Henüz bir açıklama girilmemiş.
