Sen yüzünden âlemi rûşen kılıp saldın nikâb
Yazıya salsın bu günden böyle nûrun âf-tâb
Sen ne nûr-i pâksin ey mazhar-i sun’i İlâh
Kim alır şem’-i ruhundan âf-tâb ü mâh tâb
Aks-i rûyun suya salmış sâye zülfün toprağa
Anber etmiş toprağın adın suyun ismin gül-âb
Yelde bulmuş bûy-i zülfün suda aks-i ârızın
Kim yeli bağrına basıp suya göz dikmiş habâb
Lâ’l-gûn meydir elinde sâğar-i simin ile
Yâ nigîn-i lâ’ldir reşk-i lebinden oldu âb
Kilk-i kudret levh-i sînemde seni kılmış rakam
Eyleyip mahbûblar mecmû’asından intihâb
Ey Fuzûlî’her amel kılsan hatâdır gayr-i aşk
Bu durur ben bildiğim Vallahu a’lem bi’s-savâb
Sen yüzünden âlemi rûşen kılıp saldın nikâb
- Gazel No: 027
- Aruz Vezni: Fâ i lâ tün fâ i lâ tün fâ i lâ tün fâ i lün
- Açıklama: Henüz bir açıklama girilmemiş.
