Kılsa vaslın şâmımı subha ber-â-ber yok aceb
Resmdir fasl-i bahar olmak ber-â-ber rûz ü şeb
Gün ki sâyen düşlüğü yerden durur bir vechi var
Gelse âli-kadrler fakr ehli durmaktır edeb
Olmadan mey-hâne-i aşkında mest-i câm-i zevk
Düzmedi bezm-i felekde Zühre kânun-i tarab
Nûr-i ruhsârındır ol maksad ki îmân ehline
Kılsa Hak rûzi cehennem âteşi oldur sebeb
Gâlibâ maksad visâlindir ki dün gün durmayıp
Çerh ser-genden gezer bilmez nedir renc ü ta’ab
Beste-i zencîr-i zülfündür nesîm-i ter-mizâc
Teşne-i câm-i visâlindir muhît-i huşk-leb
Kılma feyz-i ni’met-i vaslın Fuzûlî’den dirîğ
Yoktur özge maksadı senden seni eyler taleb
