Dil uzatır bahs ile ol ârız-i handâne şem’
Od çıkar ağzından etmez mi hazer kim yane şem’
N’ola gayret âteşi cânım eritse mûm tek
Bu ne sözdür kim demişler âriz-i cânâne şem’
Âriz-i cânân ile bahs-i kemâl-i hüsn eder
Dil ucundandır ki her sâ’at düşer noksâne şem’
Geh ayağı bağlı geh boynu nedendir bilmezem
Bir perî aşkında olmuştur meger divâne şem’
N’ola gönlüm ârızın isterse cânım kâmetin
Resmdir âlemde bülbül gül sever pervâne şem’
Kıl şeb-istânı müşerref kim nisârın kılmağa
Rişteden dürler çekip cem’ eylemiş dâmâne şem’
Ey Fuzûlî şevkden yakdın tenin rûz-i visâl
N’ettin ey gâfil gerekmez mi şeb-i hicrâne şem’
Dil uzatır bahs ile ol ârız-i handâne şem’
- Gazel No: 144
- Aruz Vezni: Fâilâtün Fâilâtün Fâilâtün Fâilûn
- Açıklama:
Henüz bir açıklama girilmemiş.