Zülf-i ham-ber-ham ki kılmış rûy-ı cânânı dürüst Ebrdir kim kaplamış hûrşîd-i rahşânı dürüst

Zülf-i ham-ber-ham ki kılmış rûy-ı cânânı dürüst
Ebrdir kim kaplamış hûrşîd-i rahşânı dürüst

Münkesir seng-i havâdisden dil-i dânâ müdâm
Kanda kim baksañ görürsün kalb-i nâdânı dürüst

Dişlemiş la‘l-i lebin yârıñ rakîb-i bed-likâ
Göreyim kim kalmasın ağzında dendânı dürüst

Cür‘a-i câm-ı lebiñ şevki-y-ile gülzârda
Bulmadım bir gonçe kim ola girîbânı dürüst

Muztarib olma Süheylî inkılâb-ı dehrden
Çün bilirsin kim değildir hâl-i devrânı dürüst